Deputeti nga radhët e Aleancës për Ardhmërinë e Kosovës, Bekë Berisha ka folur të hënën rreth politikanëve që atij i pëlqejnë më së shumti.

Sipas tij, politikani më i mirë vendor është shefi i tij partiak, ish-kryeministri Ramush Haradinaj.

Ndërkohë në vendin e dytë ka thënë se është kolegu tjetër i tij, Shemsedin Dreshaj.

“Ramush Haradinaj është politikani më i mirë, pastaj Shemsedin Dreshaj, është deputet dhe shumë burrë i mirë që e përshëndes nga këtu. Po edhe qeta kolegët e mi janë me të vërtetë njerëz që e bojnë politikën me ndjenjë, ia japin përkushtimin maksimal. Kundërshtimet që i kemi nganjëherë, nuk është për personin, qato nuk përmendi emrat”, tha ai në Kanal 10.

Aeroporti “Adem Jashari” i Prishtinës është i dyti në listën e aeroporteve të rajonit me numër të udhëtarëve.

“Nikola Tesla” i Beogradit është i pari në listën e 22 aeroporteve sa i përket numrit të pasagjerëve sivjet, pasuar nga Prishtina dhe Zagrebi.

Aeroporti i Prishtinës ka pasur mbi 1.3 milionë pasagjerë në gjashtë muajt e këtij viti, sipas Exyuaviation.

Ljubljana, Tivati ëdhe Mostari po dëshmojnë rimëkëmbjen më të ngadaltë me portën kryesore të Sllovenisë, me 44.6% të niveleve të trafikut para COVID-19, Tivat me 44.9% dhe Mostar me vetëm 15.4%.

Gjatë muajit qershor një numër aeroportesh në ish-Jugosllavi panë shifrat e tyre mujore të trafikut afër niveleve të trafikut para Covid-19.

Gjatë muajit, Bosnjë e Hercegovina, Kosova, Shqipëria, Greqia dhe Armenia ishin tregjet e vetme në kontinent, numri i të cilëve ka tejkaluar ato para urgjencës globale shëndetësore, ndërsa Maqedonia, Serbia dhe Turqia ishin afër arritjes së barazisë. /EO