Austri: E mbyti me thikë gruan, burri nga Kosova dënohet me burgim të përjetshëm – Lajmet e fundit

Foto: Zëri / Ilustrim

Një burrë nga Kosova është dënuar me burgim të përjetshëm në Austri.

Ai u shpall fajtor të martën për vrasjen me thikë të gruas së tij, në nëntor të 2021-ës, duke e qëlluar 16 herë me thikë në banesën e tij në Innsbruck.

“Jemi ulur këtu, sepse unë kam shkaktuar probleme”, tha i akuzuari në seancën gjyqësore, shkruan krone.at.

Ai u shfaq i penduar, por kjo nuk e ndryshoi vendimin e gjykatës.

Vendimi u konfirmua të martën e kaluar, ngase në vitin 2022 trupi gjykues njëzëri kishte vendosur që burri nga Kosova të dënohet me burgim të përjetshëm, përcjell Klankosova.tv

Mediat austriake raportojnë se, e gjithë mosmarrëveshja mes kosovarit dhe bashkëshortes së tij 50-vjeçare, kishte ndodhur për shkak të një supe.

Por, kjo nuk ishte e tëra . Thuhet se bashkëshortja prej javësh ishte duke u poshtëruar dhe keqtrajtuar nga bashkëshorti i tij.

Duke pasur parasysh numrin e madh të plagëve me thikë dhe vdekjen e dhimbshme, Gjykata e Lartë Rajonale nuk pa asnjë arsye për të ulur dënimin.

Si pasojë e kësaj, ai u dënua me burgim të përjetshëm.