Take a fresh look at your lifestyle.

Lirohen 64 ukrainas dhe një amerikan në këmbimin e të burgosurve me Rusinë – Lajmet e fundit



Lirohen 64 ukrainas dhe një amerikan në këmbimin e të burgosurve me Rusinë


Bota
December 14, 2022 – 14:36

Kievi tha më 14 dhjetor se kishte siguruar lirimin e 64 trupave ukrainase dhe një qytetari amerikan në këmbimin e fundit të të burgosurve me Moskën.


“Janë 64 ushtarë të Forcave të Armatosura të Ukrainës, që luftuan në Donjeck dhe Luhansk – veçanërisht në mbrojtjen e Bakmutit – që po kthehen në shtëpi. U bë gjithashtu e mundur që të lirohet edhe një shtetas amerikan, i cili ndihmoi popullin tonë – Suedi Murekezi”, shkroi në mediat sociale Andriy Yermak, shef i zyrës së presidentit të Ukrainës.


Ukraina dhe Rusia kanë këmbyer një numër të madh të të burgosurve të luftës, që nga nisja e saj në shkurt.


Presidenti ukrainas, Volodymyr Zelensky tha në fillim të dhjetorit se mbi 1.300 të burgosur janë kthyer në Ukrainë, që kur trupat ruse nisën pushtimin e vendit.


Në një takim me Kryqin e Kuq në tetor, Rusia tha se mbante rreth 6.000 robër lufte ukrainas.


Presidenti Putin e quan luftën si “operacion special ushtarak” për të çmilitarizuar Ukrainën.


Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.


Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.


Comments are closed.