Sport
May 27, 2023 – 23:43

Paris Saint-German është shpallur kampion në Francë pas barazimit me Strasbourgun  në xhiron e parafundit.

Për PSG-në mjaftoi goli i Messit në minutën e 59-të të takimit për të mbyllur çështjen e titull, ku është katër pikë larg Lensit.

Pavarësisht fitores së Lensit sot, PSG-ja matematikisht fitoi titullin pasi deri në fund të sezonit ka mbetur vetëm edhe një xhiro për tu luajtur.

Sport
April 12, 2023 – 23:41

Lajmet e Fundit nga Sporti

Kylian Mbappe e bëri të qartë se nuk ka plane të braktisë Paris Saint-Germainin këtë verë mes interesimit të vazhdueshëm nga Real Madridi.

Mbappe dha një përgjigje jo të pakuptimtë, duke iu përkushtuar skuadrës së tij aktuale kur u pyet nëse do të mendonte të largohej nga PSG-ja.

Ai dëshiron të rikthejë një trofe të Ligës së Kampionëve në vendin e tij.

“Hapi tjetër? Fitimi i Ligës së Kampionëve”, tha Mbappe për “France 3”.

“Unë kam bërë tashmë një finale, gjysmëfinale, çerekfinale, raundin e 16-të… Kam bërë gjithçka përveç fitores. Kjo është gjithçka që më duhet. Ku [dua ta bëj]? Në Paris. Unë jam parizian dhe me kontratë. Pra është PSG”.

PSG-ja tashmë është jashtë Ligës së Kampionëve të këtij sezoni dhe pritet të shkarkojë trajnerin Christophe Galtierin pas sezonit si rezultat.

Me Lionel Messin dhe Neymarin që mund të largohen këtë verë, vendimi i Mbappes për të qëndruar në klub është një nxitje e rëndësishme. /Zeri.info

Sport
March 26, 2023 – 18:26

Lajmet e Fundit nga Sporti

Pyetje serioze po bëhen se sa kohë do të qëndrojë shtatë herë fituesi i Topit të Artë në “Parc des Princes”, Lionel Messi, ndërsa marrëveshja e tij aktuale përfundon.

Siç qëndrojnë gjërat, reprezentuesi argjentinas do të jetë agjent i lirë në verën e vitit 2023.

“Mundo Deportivo” raporton se bossët e Paris Saint-Germainit, të cilët mbështeten nga Katari Sports Investments – kanë marrë një kërkesë nga Lindja e Mesme që u kërkon atyre të mbajnë Messin në mjedisin e tij aktual.

Messi, megjithatë, është shumë i lidhur me një rikthim në Barcelonë – ku më parë ka regjistruar një sasi rekord prej 672 golave – dhe gjithashtu ka parë të spekulohen lëvizjet në Amerikë dhe Arabinë Saudite.

“Mundo Deportivo” pretendon se: “Nga Doha, kryeqyteti i Katarit dhe ku banojnë ata që vërtet sundojnë në PSG, i kanë dhënë urdhër Al-Khelaifi, presidentit të klubit parisian, që të lidhin zgjatjen e Messit me të gjitha mjetet e mundshme”.

Ka shumë punë për të bërë nga Paris Saint-Germaini nëse duan të flasin me Messin për të nënshkruar një marrëveshje të re, me angazhimin e tij për kauzën e tyre edhe një herë në pikëpyetje, ndërsa sugjerohet se amerikano-jugori do të duhet të deklarojë synimet e tij në publik dhe të pranojë një rol të ri në dhomën e zhveshjes në Camp Nou nëse do të vendoset një rikthim emocional i hapave drejt Barcelonës. /Zeri.info

Sport
March 19, 2023 – 19:10

Paris Saint-Germaini ka pësuar disfatë nga Rennes në kuadër të xhiros së 28-të kampionale në Ligue 1.

Lionel Messi me bashkëlojtarë pësuan 0:2 nga Rennes në stadiumin “Parku i Princave”.

Toko Ekambi i mysafirëve shënoi golin e epërsisë së parë në minutën e 45-të.

Vetëm tre minuta pasi nisi pjesa e dytë, mysafirët gjetën golin e qetësisë me autor Kalimuendon.

Në stadium, pak para fillimit të ndeshjes, u fishkëllua emrin i Lionel Messit.

Tifozët vazhduan të jenë të zhgënjyer me eliminimin e hershëm të PSG-së në Ligën e Kampionëve nga Bayern Munich në 1/8 e finales.

PSG-ja me këtë disfatë mbetet lider me 66 pikë. Rennes ngritet në vendin e pestë me 50 pikë.

Sport
December 28, 2022 – 13:12

Lajmet e fundit nga Sporti

Megjithëse PSG-ja është më e përqendruar në lidhjen e një prej yjeve të tyre aktualë, ata ende mund të hyjnë në treg këtë dimër.

Për Paris Saint-Germainin këtë dimër, të gjitha bisedat rrethojnë Lionel Messin kur bëhet fjalë për të siguruar nënshkrimin e një lojtari, në vend që të shtojë fytyra të reja në skuadër në “Parc des Princes”.

PSG po synon ta mbajë legjendën argjentinase për të paktën një sezon tjetër, me kontratën e tij aktuale që do të skadojë këtë verë, dhe sigurimi që marrëveshja të bëhet do të jetë fokusi i tyre këtë janar.

Megjithatë, kjo nuk do të thotë se i gjithë biznesi i transferimit të PSG-së do të vihet në pritje.

Si një nga klubet më të pasura në botë, ata kanë licencën për të blerë pothuajse çdo lojtar në çdo kohë.

Trajneri, Christophe Galtier padyshim që ka ende zona për të mbushur skuadrën, dhe nëse një emër i madh vjen në dispozicion, atëherë mund të vini bast se kampionët francezë do të përfshihen në betejën për t’i nënshkruar ata.

Pra, cilët janë lojtarët më të prirur për t’iu bashkuar PSG-së këtë janar? “GOAL” ka renditur një listë prej gjashtë futbollistësh ku mund të transferohen te PSG-ja.

Gabriel Martinelli (Arsenal)

Milan Skriniar (Inter Milan)

Youssoufa Moukoko (Dortmund)

Joao Felix (Atletico Madrid)

Marco Asensio (Real Madrid)

Vitor Roque (Athletico Paranaense). /Zeri.info

Sport
December 23, 2022 – 09:48

Lajmet e fundit nga Sporti

Paris Saint-Germaini po planifikon një lëvizje për mesfushorin e Man Utd, Fred, edhe pse “Djajtë e Kuq” kanë aktivizuar një klauzolë zgjatjeje 12-mujore në kontratën e tij.

“The Sun” raporton se kampionët e Ligue 1 janë admirues afatgjatë dhe mendojnë se mund ta tundojnë mesfushorin në kryeqytetin francez për të luajtur përkrah Neymarit dhe Marquinhos.

Man Utd do të kërkojë rreth 30 milionë funte për mesfushorin që e di se mund të ketë një shans më të mirë për futboll të rregullt me PSG-në. /Zeri.info