Take a fresh look at your lifestyle.

Grenelli akuzon ish-kryeprokurorin e Speciales: Shkatërroi reputacionin e Gjykatës – Lajmet e fundit



Grenelli akuzon ish-kryeprokurorin e Speciales: Shkatërroi reputacionin e GjykatësFoto: Laura Hasani




Ish-emisari i Shteteve të Bashkuara të Amerikës për dialogun Kosovë-Serbi, Richard Grenell ka akuzuar ish-Kryeprokurorin e Prokurorisë së Specializuar, Jack Smith, se e ka shkatërruar reputacionin e Hagës.


Në një reagim në rrjetin social Twitter, Grenell ka thënë se Jack Smith ka shkatërruar “një herë e përgjithmonë” reputacionin e Gjykatës Speciale


Ai ka thënë se Smith nuk ka “busull morale” për të hetuar ish-presidentin Donald Trump.


“Jack Smith nuk ka busull morale. Ai ka tentuar ta kapte Donald Trumpin qe një kohë – dhe nuk i intereson që gënjen për ta arritur këtë qellim. Ai e ka shkatërruar njëherë e përgjithmonë reputacionin e Hagës – dhe po, unë e kam një histori që kam për ta treguar për të”, ka thënë Grenell.


Këto komente, Grenell i ka bërë në reagim ndaj publikimit të një informate që e ndërlidh Jack Smith-in me presidentin Joe Biden.


Sipas publikimit të gazetarit amerikan Joe Rodgers, bashkëshorja e Jack Smith kishte kontribuuar financiarisht në fushatën e Joe Biden më 2020.


Sipas dokumente zyrtare, të cilat ai i ka publikuar, Katy Chevigny, bashkëshortja e ish-Kryeprokurorit të Speciales, kishte kontribuuar me dy mijë dollarë në fushatën presidencial të Joe Biden.


Jack Smith ka dhënë dorëheqje nga posti i kryeprokurorit të Zyrës së Prokurorit të Specializuar (Prokurorisë Speciale) në Hagë të premten.


Kryeprokurori Smith ishte i ngarkuar me hetimin dhe gjykimin e krimeve të pretenduara të luftës në Kosovë.


Lajmin për largimin e tij nga proceset gjyqësore në Hagë e ka bërë të ditur Departamenti i Drejtësisë në SHBA.


“Prokurori i posaçëm, Smith ka dhënë dorëheqjen si kryeprokuror i gjykatës speciale në Hagë, i ngarkuar me hetimin dhe gjykimin e krimeve të luftës në Kosovë” – thuhet në njoftim.


Smith, i cili Prokurorisë Speciale në Hagë i ishte bashkuar në vitin 2018, tani do të jetë pjesë e sistemit të drejtësisë në Shtetet e Bashkuara të Amerikës për të hetuar raste të tjera.


Ai u emërua për të mbikëqyrur një nga hetimet të mbajtjes së dokumenteve të klasifikuara në resortin Mar-a-Lago të ish-presidentit Donald Trump.



Jack Smith has no moral compass. He’s been out to get Donald Trump for awhile – and he doesn’t care what he has to lie about in order to do it.

He’s ruined The Hague’s reputation forever – and boy do I have a story about him to tell.#kosovo #doyourresearch https://t.co/CbMU1EQ9v4


— Richard Grenell (@RichardGrenell) November 21, 2022

Comments are closed.