Take a fresh look at your lifestyle.

KQZ-ja kufizon shpenzimet e subjekteve politike për fushatën zgjedhore në komunat veriore të vendit – Lajmet e fundit



KQZ-ja kufizon shpenzimet e subjekteve politike për fushatën zgjedhore në  komunat veriore të vendit




Komisioni Qendror i Zgjedhjeve (KQZ), ka mbajtur sot online mbledhjen e radhës, të kryesuar nga kryetari, Kreshnik Radoniqi.


Në këtë mbledhje, KQZ-ja mori vendim për kufizimin e shpenzimeve të fushatës zgjedhore për subjektet politike që do të marrin pjesë në zgjedhjet e jashtëzakonshme për kryetar në komunat: Mitrovicë e Veriut, Leposaviq, Zveçan dhe Zubin Potok.


Nëpërmjet këtij vendimi, Komisioni Qendror i Zgjedhjeve përcakton kufirin e sipërm të shpenzimeve të fushatës zgjedhore për subjektet politike që do të certifikohen për pjesëmarrje në këto zgjedhje.


“Ky kufizim mbështetet në Rregullën Zgjedhore nr. 12/2013, sipas të cilës kufizimi i shpenzimeve të fushatës do të jetë 0.5 euro për votues të regjistruar në secilën komunë. Vendimi i KQZ-së mbështetët në të dhënat jo- përfundimtare të listës së votuesve në këto komuna”, ka njoftuar KQZ-ja. /Zëri



Image

Comments are closed.