Take a fresh look at your lifestyle.

Qeveria jep detaje për takimin e Kurtit me Lajçakun – Lajmet e fundit



Qeveria jep detaje për takimin e Kurtit me Lajçakun




Kryeministri Albin Kurti, bashkë me zëvendëskryeministrin e parë për Integrim Evropian, Zhvillim dhe Dialog, Besnik Bislimi, kanë pritur sot në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajëák.

Përmes një komunikate nga Zyra e Kryeministrit, janë dhën detaje në lidhje me takimin ku thuhet se u potencua vullneti dhe gatishmëria që tashmë e ka treguar Kosova, për t’u angazhuar në një dialog parimor e të balancuar, nga i cili përfitojnë qytetarët e të dyja vendeve.

”Kryeministri Kurti ritheksoi se qëllimi i dialogut duhet të jetë arritja e një marrëveshjeje ligjërisht të obligueshme me njohjen reciproke në qendër”.

”U bisedua për vazhdimin e procesit të bisedimeve në Bruksel dhe për përgatitjet e takimeve të radhës në kuadër të dialogut për normalizimin e plotë të marrëdhënieve ndërmjet Republikës së Kosovës dhe Serbisë. Kryeministri Kurti dhe zëvendëskryeministri Bislimi, falënderuan z. Lajëák për angazhimin e tij të vazhdueshëm në këtë proces”, thuhet në njoftimin e ZKM-së. /Zëri


Comments are closed.