Deputetja e LDK-së, Jehona Lushaku–Sadriu, ka folur për procesin e zgjedhjeve të brendshme në këtë subjekt, ku tha se ka parë një angazhim të jashtëzakonshëm nga mërgata.

Ajo tha se ka vërejtur një vullnet të madh të njerëzve të cilët ajo i quajti të suksesshëm në Evropë, e siç tha, të cilët duan t’i bashkohen strukturave të LDK-së.

“Kjo është tepër e rëndësishme sepse është lehtë të kritikosh nga jashtë por është e rëndësishme të jesh brenda e të marrësh përgjegjësi për të çuar procese përpara”.

“Njerëzit duke e parë një keqqeverisje nga partia e cila është në pushtet janë mobilizuar edhe më shumë që të na bashkohen e ta çojmë vizionin tonë politik përpara sepse e kanë kuptuar që LDK-ja nuk prodhon politika populiste por ka programe konkrete”, tha ajo në “Edicioni Special” në Klan Kosova.

Tutje, Lushaku – Sadriu tha se entuziazëm për strukturat e reja ka edhe brenda Kosovës, teksa shtoi se LDK-ja është e gatshme ta sfidojë Vetëvendosjen.

“Ne jemi të gatshëm ta sfidojmë Vetëvendosjen. Nuk besoj që ka një parti politike me një numër kaq të madh të anëtarësisë së verifikuar. Mendoj që ne do të jemi edhe më të fuqishëm gjatë muajve në vijim”, tha ajo. /klankosova

Shqipëria është kualifikuar për finalen e madhe të Eurovisionit të enjten me “Duje” të Albina Kelmendit me familje.

Pas performancës ata kanë folur për media për ndjenjën e kalimit në finale. Nga gazetarët janë pyetur edhe për faktin se si ndihen pasi me prejardhje janë nga Kosova, dhe arritën suksesin për Shqipërinë në Eurovision

Familja Kelmendi pyetet për Serbinë në “Eurovision”: Muzika lë pas gjithçka

“Ne jemi të një gjaku, të një kombësie, Kosova dhe Shqipëria janë si vëlla dhe motër dhe ne kemi një nënë që është Shqipëria e Madhe”, tha Kelmendi.

E kjo deklaratë e Kelmendit, nuk iu ka pëlqyer mediave serbe, të cilat madje e kanë transmetuar si skandal.

“Skandali i shqiptares në Eurovizion: “Shqipëria e Kosova jemi si vëlla e motër, dhe nëna jonë është Shqipëria e Madhe”, është vetëm një nga titujt e mediave në Serbi në lidhje me deklaratën e familjes Kelmendi para gazetarëve.

Shqipëria ka kaluar në finale të Eurovisionit, shkruan Reporteri.

Albina dhe Familja Kelmendi shkëlqyen në skenën e festivalit evropian, duke siguruar një vend në finalen e madhe që do të mbahet të shtunën

Kryetari i Prishtinës, Përparim Rama ka folur për problemin e trafikut të ngarkuar në Prishtinë.

Rama në “Debat Plus” ka thënë se ngarkimi i trafikut është rezultat i zhvillimit të hovshëm të Prishtinës nga sektori privat, mirëpo i mungesës të investimeve kapitale në sektorin publik.

Ai ka thënë se problemi i trafikut lidhet drejtpërdrejt me mungesën e infrastrukturës, pasi sipas tij rrugët janë të mangëta në raport me zhvillimin e qytetit.

“Kemi mungesë të infrastrukturës, pra nuk ka rrugë, rrugët janë të mangëta në relacion me zhvillimin e qytetit, gjithmonë duhesh me ardh nga qendra për me shku në pjesët tjera. Pra nuk kem rrugë ndërlidhëse në zonat periferike”, ka deklaruar ai.

Po ashtu, Rama ka deklaruar se janë duke punuar për krijimin e rrugëve alternative.

“Edhe për këtë siç e dini kemi një zhvillim të hovshëm tash rrugëve të reja në të gjitha pjesët e kryeqytetit”, ka thënë tutje ai.

Bota
May 09, 2023 – 21:51

Ambasadorja e Gjermanisë në Serbi, Anke Konrad, e vlerëson si jashtëzakonisht të rëndësishme prezantimin e statutit të Asociacionit të Komunave me Shumicë Serbe.

Konrad, mes tjerash, tha se për asociacionin është arritur edhe marrëveshje, për çka Gjermania është në favor të themelimit, shkruan Tanjug, transmeton klankosova

“Ne jemi duke avokuar intensivisht që Bashkësia e Komunave me Shumicë Serbe të zbatohet jashtëzakonisht shpejt dhe është dhënë një sinjal i rëndësishëm në këtë kuptim. Tani jemi në një fazë që mund të flasim konkretisht dhe realisht pasi mendoj se kjo është e rëndësishme”, u shpreh Konrad.

Bota
April 10, 2023 – 23:51

Një spital u godit nga një sulm rus në Kherson sot, njoftoi OKB.

Bombardimet dëmtuan një ambulancë dhe plagosën dy punonjës shëndetësorë në të njëjtin rajon të premten, tha zëdhënësi Stéphane Dujarric.

Ai foli për shqetësimin e organizatës për ndikimin e luftës në objektet shëndetësore dhe punëtorët, me 70% të të gjitha sulmeve ndaj tyre në Ukrainë vitin e kaluar.“Ne edhe një herë theksojmë se punonjësit shëndetësorë dhe objektet duhet të mbrohen sipas ligjit ndërkombëtar humanitar”, tha ai.

“Ne jemi të alarmuar nga ndikimi i armiqësive te spitalet dhe punonjësit e shëndetësisë, mes bombardimeve të zonave përgjatë vijës së frontit”, shtoi ai.

Shëndetësia duke qenë sektor jashtëzakonisht kompleks jo vetëm në Kosovë por në krejt botën, këtij sektori, sidomos gjatë pandemisë, i ra goditja më e madhe.

“Tani jemi duke punuar në disa shtylla: e para jemi duke punuar në shtyllën e legjislacionit, ku kemi një ligj që nuk përkon me kohën në të cilën jetojmë, pra për ta ngritur në këmbë, siç thatë ju, në këmbë duhet ngritur infrastrukturën ligjore, ku janë 7 ligje që jemi duke punuar dhe me ndryshimin e këtyre ligjeve do të hapet rruga e reformës së mirëfilltë në sektorin e shëndetësisë; Kemi nënshkruar një dokument strategjik dhe një plan veprimi për investime në infrastrukurë dhe në pajisje moderne në sektorin e shëndetësisë që qytetarët të kenë mundësi që ndiehen komod në institucionet tona shëndetësore, por edhe të kenë mundësi që të marrin shërbime me pajisje më moderne të kohës; Resurset njerëzore, ku jemi duke bërë një punë të madhe qoftë në distribuimin racional të punëtorëve shëndetësorë, por edhe me udhëzimin administrativ në shkollim specialistik me standarde evropiane”, deklaroi ministri i Shëndetësisë Arben Vitia, në “Lajmet e fundit”, në RTK.

I pyetur për Komitetin për Shëndetësi nga kryeministri Kurti, Vitia sqaroi se duke qenë sektor i lënë  pas dore për vite me radhë në të shkuarën, qoftë nga keqmenaxhimi, qoftë nga mosfinancimi, derisa revokoi kohën e vitit 2019, kur nga kryeministri Kurti dhe ministri Vitia patën deklaruar se shëndetësia do të jetë një nga prioritetet kryesore, duke radhitur sfidat me të cilat është përballë kjo ministri, qoftë më COVID19, etj., ku është arritur të menaxhohet me sukses.

Më tej ministri Vitia theksoi se pas kalimit të fazës emergjente, Qeveria Kurti iu qas këtij sektori me seriozitet ku edhe u themelua një komitet për shëndetësi, ku edhe kryeministri Kurti shprehu gatishmërinë që të jetë i përfshirë në këtë aktivitet në përmirësimin e kushteve në shëndetësi.

“Prej themelimit të këtij komiteti, nga mesi i vitit të kaluar e deri në fund të vitit të kaluar,  ky komitet ka bërë detyrën e vet, ka pasur të gjitha prioritetet që kanë arritur në zyrën e ministrit të shëndetësisë, të cilat janë me rekomandime se si të vazhdohet më tutje”, tha ministri Vitia, duke shtuar se falë angazhimit të këtij komiteti buxheti në këtë ministri është rritur në 298 milionë euro./rtk

Kryeministri i Kosovës ka folur edhe për rritjen e importit nga Serbia në kohën e qeverisjes së tij.

Ai ka përmendur vendosjen e reciprocitetit me Serbinë, ndërsa ka thënë se është për të ardhur keq që është rritur importi nga Serbia.

“Është për të ardhur keq, por jemi fokusuar strategjikisht në këtë marrëveshjen e madhe që po dëshirojmë ta bëjmë me Serbinë për njohje reciproke.”, tha Kurti.

Ai është shprehur se nuk ka reciprocitet të plotë me Serbinë dhe kjo po mendohet sipas tij të bëhet pas marrëveshjes finale, raporton klankosova.

“Ashtu është, ne ende nuk e kemi raportin reciprok me Serbinë, po mendojmë që këtë ta bëjmë në raport të plotë. Kemi përgatitur të dhënat me ATK-në për këtë, por nga viti i kaluar ne kemi hyrë në një fazë të re ku po bëjmë kornizë të marrëveshjes, fillimisht në Bruksel, e pastaj me iniciativën franko-gjermane për marrëveshje totale, jemi të përqendruar në marrëveshje totale, ku duhet të përfshihet edhe reciprociteti”, tha Kurti.

Kombëtarja e Kosovës regjistroi sot barazimin e dytë me radhë në kuadër të ciklit kualifikues drejt Kampionatit Evropian Euro 2024.

Kosova barazoi si vendase në stadiumin “Fadil Vokrri” me Kombëtaren e Andorrës, ku rezultati final i ndeshjes ishte 1:1, raporton KosovaPress.

Golashënues te Kosova ishte Edon Zhegrova (minuta e 59’), ndërsa te Andorra golin e barazimit e shënoi Berto Rosas (minuta e 61’).

Pas ndeshjes, për mediat foli edhe mbrojtësi i krahut, Florent Hadërgjonaj, i cili tha se ekipi është tejet i zhgënjyer dhe se atmosfera nuk është shumë e mirë.

“Tepër jemi zhgënjyer, kemi prit shumë më shumë, sidomos na lojtarët, po ja nisi prej vetit, edhe krejt ekipi këtu në “Fadil Vokrri” është dashtë mi marr tre pikë kundër Andorrës. Nuk mujtëm me arrit këtë qëllim, atmosfera nuk është shumë e mirë. Tepër, tepër jemi zhgënjyer”, tha Hadergjonaj.

Sport
March 25, 2023 – 20:20

Lajmet e Fundit nga Sporti

Përfaqësuesja e Kosovës e ka nisur me barazim kampionatin evropian “Euro 2024”, pasi ka marrë vetëm një pike ndaj Izraelit.

Ndeshja e zhvilluar në “Tel Aviv” përfundoi me rezultat 1-1.

Kjo ishte ndeshje e parë në kuadër të Grupit I.

Pas ndeshjes, trajneri i Kosovës, Alain Giresse u shpreh i kënaqur me rezultatin, edhe pse tha se mund të kishin bërë më mirë.

“Mendoj se ishte një lojë që kërkonte angazhim dhe ritëm. Mënyra si ju përgjigjëm ishte e mirë. E vleresoj lartë paraqitjen e futbollistëve. Jemi të kënaqur me rezultatin. Kemi mundur të bëjmë më mirë, por rezultati 1:1 është rezultat pozitiv”, tha Giresse.

Kujtojmë se, Kosova të marten e pret Andorrën në “Fadil Vokrri” në orën 20:45. /Zeri.info

Ambasadori i Turqisë në Kosovë, Tunç Angili së bashku me kryeministrin e Kosovës Albin Kurti dhe ministrin e Mbrojtjes, Armend Mehaj, kanë mirëpritur ekipin e Kërkim-Shpëtimit të Forcës së Sigurisë së Kosovës të kthyer nga Turqia.

Ambasada e Turqisë në Kosovë ka thënë se i është mirënjohës Kosovës për shtrirjen e dorës së ndihmës.

“Ambasadori Tunç Angëlë së bashku me Kryeministrin Albin Kurti dhe Ministrin e Mbrojtjës Armend Mehaj mirëpriti ekipin e Kërkim-Shpëtimit të Forcës së Sigurisë së Kosovës të kthyer nga Türkiye. I jemi mirënjohës Kosovës për shtrirjen e dorës së ndihmës për viktimat e tërmetit”, thuhet në njoftim.

Ndryshe, Kurti dhe Mehaj, kanë ndarë medalje për të gjithë pjesëtarët e FSK-së që ishin në Turqi.