Take a fresh look at your lifestyle.

Policia konfirmon incidentin me armë zjarri në veri – Lajmet e fundit



Policia konfirmon incidentin me armë zjarri në veriFoto: Laura Hasani




Policia e Kosovës tha se në Bistricë të Leposaviqit ka shtënë me armë zjarri drejt një veture, pasi ajo nuk është ndalur për kontroll. Ndërkaq, sipas Zyrës për Kosovën në Qeverinë serbe, nga ky incident ka mbetur i plagosur një serb.


Sipas një njoftimi për media, vetura gjatë lëvizjes ka goditur automjetin e Policisë së Kosovës, duke “rrezikuar drejtpërdrejt edhe jetën e zyrtarëve policorë, të cilët për të neutralizuar rrezikun ndaj tyre kanë shtënë me armë zjarri”.


Autoritetet e rendit thanë se të dyshuarit janë larguar nga vendi i ngjarjes, ndërkaq përveç hetimeve për rastin, PK-ja ka njoftuar edhe Inspektoratin Policor për procedura të mëtejme.


Më herët gjatë 23 janarit drejtori i Zyrës për Kosovë në Qeverinë serbe, Petar Petkoviq, deklaroi se i plagosuri M.D. është transportuar me urgjencë në Spitalin e Kralevës. Sipas tij, njësitë policore të Kosovës “kanë qëlluar” automjetin “vetëm sepse nuk kanë dashur të lejojnë që policia t’i keqtrajtojë pa asnjë bazë dhe arsye”.


Sipas Petkoviqit, i plagosuri “është qëlluar në pjesën e majtë të kraharorit dhe ka plagë me armë zjarri”.


Petkoviqi tha se në veturën, që po qarkullonte në magjistralen Mitrovicë – Leposaviq, përveç M.D., ishte edhe D.S, i komunitetit serb, i cili nuk ka pësuar lëndime.


Petkoviq përsëriti se njësitë speciale të Policisë së Kosovës “nuk kanë çfarë kërkojnë në veri të Kosovës”. /REL


Comments are closed.