Avokati i Fatmir Limajt ultimatum Dibran Hoxhës: Tërhiqu nga deklaratat ose të ndjekim penalisht – Lajmet e fundit

Foto: Ilustrim

Analisti Dibran Hoxha një ditë më parë në një emision televiziv ka folur për keqpërdorimet që janë bërë në autostradën “Ibrahim Rugova”.

Por, atij i është kërkuar që të tërhiqet nga këto deklarata nga avokati Mentor Beqiri që është paraqitur si avokat i kryetarit të Nismës, Fatmir Limaj, raporton Zeri.info.

Beqiri i ka dhënë “ultimatum” Hoxhës, duke thënë se në të kundërtën do ta ndjek penalisht.

Analisti Hoxha ka shkruar në Facebook se këto “kërcënime” nuk mund t’ia ndalojnë lirinë e shprehjes së mendimeve të tij.

“Avokati i Fatmir Limajt po dojka me m’padite për shpifje për dyshimet qe i kom ngritë mbi keqperdorimet n’Autostraden ‘Ibrahim Rugova’.

Me këso lloj kërcenimesh këta le ta harrojnë që munden me ndalu shprehjen e mendimeve t’lira n’ketë vend”, shkroi Hoxha në llogarinë e tij. /Zëri