Take a fresh look at your lifestyle.

Shtëpia e Bardhë: SHBA-ja po punon për përforcimin e sigurisë kibernetike në Shqipëri – Lajmet e fundit



Shtëpia e Bardhë: SHBA-ja po punon për përforcimin e sigurisë kibernetike në Shqipëri




Shtetet e Bashkuara të Amerikës reagojnë sërish në mbështetje të Shqipërisë pas shkëputjeve të marrëdhënieve diplomatike me Iranin.


Zëdhënësja e Shtëpisë së Bardhë, Karine Jean Pierre, tha se administrata e Joe Biden po punon me vendin tonë për të përforcuar sigurinë kibernetike, gjithashtu komentoi dhe mundësitë e zbatimit të artikullit 5 të NATO-s për të mbrojtur vendet anëtare edhe nga sulmet kibernetike.


“Roli ynë këtu është të mbështesim përpjekjet e Shqipërisë për të vënë para përgjegjësisë Iranin dhe të punojmë me Shqipërinë për të përforcuar sigurinë e saj kibernetike dhe të fuqizojmë normat e sjelljes së përgjegjshme shtetërore në hapësirën kibernetike.


Kjo është ajo që do të bëjmë dhe do të jemi një aleat ndihmues në atë drejtim. Aleatët në NATO i marrin vetë vendimet e tyre sovrane se si t’i kundërpërgjigjen sulmeve kibernetike, përfshirë nëse do të thërrasin artikullin 5, pasi e di që njerëzit kanë pyetur rreth tij, prandaj kjo i takon aleatëve në NATO. Ju e dini, ka një proces për këtë. Është një proces i shumëfishtë përpara se ne mund të aktivizojmë Artikullin 5, pra edhe njëherë, kjo është një çështje që aleatët në NATO do ta diskutojnë”, u shpreh Karine Jean Pierre, zëdhënëse e Shtëpisë së Bardhë. /a2cnn


Comments are closed.