Take a fresh look at your lifestyle.

Vërshimet në Skenderaj, Nura: Janë evakuuar mbi 100 familje – Lajmet e fundit



Vërshimet në Skenderaj, Nura: Janë evakuuar mbi 100 familje




Kryetari i Skenderajt, Fadil Nura, ka falënderuar qytetarët dhe të gjithë të tjerët që janë angazhuar pas vërshimeve që kanë ndodhur në këtë komunë si pasojë e reshjeve të shiut.


Përmes një postimi në profilin e tij zyrtar në rrjetin social Facebook, Nura ka thënë se fatmirësisht nga këto vërshime nuk ka pasur asnjë viktimë, por që mbi 100 familje janë evakuuar, shkruan “Zeri.info”.


“Lus të gjithë qytetarët e komunës sonë, që të mos bëjnë lëvizje të panevojshme, apo të kthehen në shtëpitë që janë përmbytur, pasi informacionet flasin për reshje të sërish”, ka shkruar ndër të tjerash Nura.


Postimi i plotë i Nurës, pa ndërhyrje:


Pas gjithë këtyre reshjeve, vërshimeve dhe kësaj fuqie përballë secilës jemi të pafuqishëm, SHYQYR asnjë jetë e humbur!


Për këtë meritat u takojnë qytetarëve, ekipeve të Shtabit Emergjent, Shërbimit të Zjarrfikësve, FSK-së, Klubit Off Road Drenica, Extreme Off Road Drenica, kompanive Lirigzoni, Haxha Com, Rukolli, Ndërtimi dhe shumë të tjerë që na ndihmuan t’i evakuojmë mbi 100 familje të cilat ishin në rrezik!


Lus të gjithë qytetarët e komunës sonë, që të mos bëjnë lëvizje të panevojshme, apo të kthehen në shtëpitë që janë përmbytur, pasi informacionet flasin për reshje të sërish. /Zëri



Comments are closed.