Take a fresh look at your lifestyle.

Kosova dënon sulmet kibernetike të Iranit në Shqipëri – Lajmet e fundit



Kosova dënon sulmet kibernetike të Iranit në Shqipëri




Kosova ka dënuar sulmet kibernetike që Irani ka kryer në Shqipëri.


Ministria e Punëve të Jashtme e Kosovës, i ka quajtur të papërgjegjshme sulmet e Republikës Islamike të Iranit kundër Shqipërisë.


“Republika e Kosovës dënon sulmin e papërgjegjshëm kibernetik të Republikës Islamike të Iranit kundër Shqipërisë.Ky sulm kibernetik dëmtoi infrastrukturën dixhitale të Shqipërisë dhe ndërpreu shërbimet jetike të qeverisë. Kosova bashkohet me Shqipërinë dhe aleatët e tjerë në ekspozimin e veprimeve të papranueshme të Iranit”, thuhet në postimin e MPJ-së në Twitter.


Ndryshe më herët aleanca ushtarake e NATO-s ka konfirmuar se prapa sulmit kibernetik ndaj Shqipërisë, qëndron Republika Islamike e Iranit.


Më 8 shtator, përmes një deklarate, NATO dënoi fuqishëm sulmin kibernetik të korrikut, duke thënë se sulme të tilla kanë për synim të krijojnë destabilitet dhe të dëmtojnë sigurinë e aleatëve të NATO-s.


“NATO dhe aleatët mbështesin Shqipërinë në forcimin e aftësive mbrojtëse kibernetike që t’i bëjë ballë dhe të kundërpërgjigjet ndaj veprimeve të tilla dashakeqe në të ardhmen”, u tha në njoftimin e NATO-s. /Zëri


Comments are closed.