Take a fresh look at your lifestyle.

Ish-presidenti serb: Marrëveshja e propozuar mundëson anëtarësimin e Kosovës në OKB – Lajmet e fundit



Ish-presidenti serb: Marrëveshja e propozuar mundëson anëtarësimin e Kosovës në OKB




Ish-presidenti i Serbisë, Boris Tadiq, përmes një postimi në Twitter ka bërë të ditur se marrëveshja e propozuar i mundëson Kosovës anëtarësimin në Kombet e Bashkuara, edhe nëse kjo nuk thuhet shprehimisht në tekst.


Tadiqi thotë se është e papranueshme që presidenti serb, Aleksandar Vuçiq të shprehë gatishmërinë për të pranuar marrëveshjen pa u konsultuar me institucionet kompetente, raporton Zeri.info.


“Sipas njohurive të mia rreth marrëveshjes që është propozuar, edhe një herë e theksoj publikisht se një marrëveshje e tillë fare mirë mund të mundësojë anëtarësimin e Kosovës në OKB, edhe nëse nuk thuhet shprehimisht në vetë tekstin”, ka shkruar Tadiqi.


Propozimi gjerman që ishte bërë nga kancelarja e atëhershme gjermane, Angela Merkel gjatë kohës sa Tadiq ishte president “as që përbënte kërcënim për ruajtjen e integritetit territorial të Serbisë, aq sa kjo marrëveshje”.


Ai shtoi se e kupton që negociatat ndërkombëtare të këtij lloji kërkojnë një nivel të caktuar të fshehtësisë, por se është e papranueshme që presidenti i vendit të shprehë gatishmërinë për zbatimin e parimeve të asaj marrëveshjeje pa konsultim të gjerë me institucionet kompetente dhe qytetarët e vendit.


Comments are closed.